Իկեր Կասիլյասն իր կարծիքն է հայտնել Կոնֆեդերացիաների գավաթի 2013 թվականի խաղարկության շրջանակներում կայացած Ուրուգվայի ընտրանու դեմ խաղի մասին:
«Ես փոքր ինչ անակնկալի եկա, երբ իմացա, որ խաղալու եմ: 5 ամիս չէի մասնակցել պաշտոնական հանդիպման: Անկախ նրանից, որ սա 145-րդ խաղս էր հավաքականում, ինձ թվում էր, թե նորամուտս եմ նշում «Լա Ռոխայի» կազմում: Նույն զգացումներն ունեի, ինչ ունեցել էի 13 տարի առաջ:
Ես շատ ուրախ եմ, որ հաղթեցինք ու դրական արդյունքի հասանք: Շնորհակալ եմ Դել Բոսկեին ու խաղընկերներիս վստահության համար, ովքեր այս ամբողջ ընթացքում փորձել են օգնել հավաքականին ու երկրին պատիվ բերել»,- նշել է Կասիլյասը:
| 
