«Արսենալը» պատրաստվում է ձեռք բերել Մադրիդի «Ռեալի» հարձակվող Գոնսալո Իգուաինին:
Լոնդոնցիների գլխավոր մարզիչ Արսեն Վենգերը միտված է գնել արգենտինացուն մինչև հուլիսի 11-ը, երբ «Արսենալը» կմեկնի շրջագայության Ինդոնեզիա, Վիետնամ և Ճապոնիա:
Բանակցությունները Իգուաինի և «Արսենալի» միջև արդեն սկսված են: «Կանոնիրները» պատրաստ են վճարել ռեկորդային գումար Իգուաինի համար: Հիշեցնենք, որ 2009-ին «Արսենալը» գնեց Անդերեյ Արշավինին՝ «Զենիթին» վճարելով իր համար ռեկորդային 15 միլիոն ֆունտ ստերլինգ:
Ըստ տեղեկությունների «Ռեալի» նախագահ Ֆլորենտինո Պերեսը արգենտինացու տրանսֆերը գնահատում է 25 միլիոն Ֆունտ:
Ավելի վաղ հայտնի էր դարձել, որ «բլանկոսները» մերժել էին «Յուվենտուսի» 22 մլն եվրոյանոց առաջարկությունը, իսկ «Ծեր սինյորայի» տնօրեն Բեպպե Մարոտտան հաղորդել էր, որ բանակցությունները սառեցվել են, քանի դեռ «Ռեալը» փնտրում է նոր գլխավոր մարզչի:
Անցլիացիները Իգուաինի համար պետք է մրցակցեն Թուրինի «Յուվենտուսի» հետ: Հարձակվողի վերաբերյալ որոշում կկայացնի Կառլո Անչելոտին, ով մոտ օրերս պաշտոնապես կդառնա «Ռեալի» գլխավոր մարզիչ:
| 
