«Չելսիի» սեփականատեր Ռոման Աբրամովիչը համոզել է «Ռեալի» գլխավոր մարզիչ Ժոզե Մոուրինյոյին գլխավորել իր ակումբն՝ առաջարկելով տրամադրել 100 միլիոն ֆունտ ստերլինգ ամառային տրանսֆերների համար:
Այդ գումարով Մոուրինյոն մտադիր է գնել «Ատլետիկոյի» գոլահար Ռադամել Ֆալկաոյին, «Բայերի» ունիվերսալ հարձակվող Անդրե Շյուրլեին և «Էվերթոնի» կիսապաշտպան Մաուրան Ֆելաինիին: Այս ամռանը «Չելսիի» գլխավոր նպատակը լինելու է Ֆալկաոն, ում «ատլետները» համար պահաջում են 50 միլիոն ֆունտ: Անգլիայում կարծում են, որ կոլումբացու հետ պայմանավորվածությունն արդեն ձեռք է բերված:
Շյուրլեի համար «կապույտները» պատրաստ են վճարել մոտ 20 միլիոն ֆունտ: Ընդ որում, նա համաձայն է «Չելսի» տեղափոխվելուն:
Ավելի դժվար առաջադրանք է Ֆելաինիի ձեռքբերումը, ում համար պահաջում են ավելի քան 20 միլիոն ֆունտ: «Չելսին» դիտարկում է նաև «Սաութհեմփթոնի» հեռանկարային ֆուտբոլիստ Լյուկ Շոուիի ձեռքբերման հնարավորությունը:
|