«Դուք բոլորդ էլ հասկանում եք, թե ինչ է նշանակում «Խուանիտոյի հոգի», և ես կարծում եմ, որ չարժե նորից բացատրել դրա իմաստը: Պատմություն պետք է իմանալ և հարգել, ու հավատացեք ես հարգանքով եմ վերաբերվում թիմի պատմության կարևորագույն իրադարձություններին և անձանց: Եթե ուզում եք իմանալ, թե ինչ հնարավորություններ մենք ունենք, ապա կասեմ, որ շատ դժվար է հաշվել այն, քանի որ մենք խաղը սկսելու ենք 1-4 հաշվով»:
Դորտմունդում տեղի ունեցած խաղից հետո ֆուտբոլիստների հետ խոսակցության մասին.
«Այդ խաղից հետո Դուք ինձ հարցրեցիք, թե ինչ եմ ասելու ֆուտբոլիստներին, իսկ ես պատասխանեցի, որ դեռ չգիտեմ: Խաղից մի քանի օր անց ես վերլուծեցի ֆուտբոլիստների խաղը: Ես նրանց ասացի այն ինչ պետք է ասեի ընդհանուր խաղի և առանձին ֆուտբոլիստների մասին»:
Դորտմունդում կրած պարտության մասին.
«Առաջին խաղից առաջ ես ցանկանում էի, որ հաղթեր նա, ով արժանի է: Ես չեմ ցանկանում, որ կիսաեզրափակչում ինչ-որ պահ որոշի խաղի ելքը: Իմ խոսքերը խաղից հետո ճիշտ էին հասկացել: «Բորուսիան» արժանիորեն հաղթեց: Այդ պատճառով չնայած մեզ համար վատ արդյունքին, պետք է նշել, որ ամեն ինչ այդ խաղում արդար էր»:
Մեկնարկային կազմի մասին.
«Դժվար թե մեկնարկային կազմը զարմացնի, որևէ մեկին: Դորտմունդում մեկնարկային կազմը վաղուց պարզ էր, անհայտ էր միայն Դի Մարիայի մասնակցության հարցը: Հիմա իրավիճակը այլ է: Հիմա մենք մեկնարկային կազմի մի քանի տարբերակ ունենք: Կարող եմ միայն ասել, որ Ռոնալդուն առողջ է, իսկ ահա Արբելոան և Մարսելոն խաղին հաստատ չեն մասնակցի»:
Կլոպի բառերի և «Չելսի» հնարավոր տեղափոխության մասին.
«Առաջինը, ինչ ցանկանում եմ նշել, դա այն է, որ իմ ապագան կախված չէ առաջիկա խաղից: Ինչ վերաբերվում է Կլոպի խոսքերին, ապա ես կարդացել եմ նրա ասուլիսը և այն խոսքերը, որոնք վերագրվում էին նրան, նա չի արել»:
Կառլո Անչելոտիի մասին.
«Ես ոչինչ այդ մասին չգիտեմ: Ես ընդհանրապես խոսակցություններին և բամբասանքներին չեմ հետևում: Ես հիմա մտածում եմ առաջիկա խաղի մասին և մնացած ամեն ինչ ինձ չի հետաքրքրում: Մեզ սպասվում է տասնամյակի կարևորագույն հանդիպումը: Դորտմունդում կայանալիք խաղից առաջ էլ էի մտածում այդ ամենի մասին, ուղակի մի քանի ֆուտբոլիստներ այդ խաղին վերաբերվում էին ինչպես ընկերական հանդիպման»: