Դորտմունդի «Բորուսիայի» պաշտպանԼուկաշ Պիշչեկը Չեմպիոնների լիգայի կիսաեզրափակչի «Ռեալի» հետ առաջին խաղից առաջ ընդգծել է, որ իրենց կբավարարի նաև 0:0 հաշիվը:
«Շատ դժվար է խաղալ Կրիշտիանո Ռոնալդուի դեմ: Նա տարբեր հնարքների է տիրապետում և կարող է զարմացնել ցանկացած պահի: Պատրաստվելով խաղին` որոշել ենք պաշտպանվել ողջ թիմով: «Բորուսիան» հանդես կգա որպես միասնական թիմ և ամեն ինչ կանի եզրափակիչ դուրս գալու համար: Եթե խոսենք օբյեկտիվորեն, առաջին խաղում մեզ կբավարարի նաև 0:0 հաշիվը: Ինչո՞ւ: Որովհետև այդպիսի արդյունքից հետո պատասխանում խաղում «Ռեալի» համար շատ դժվար կլինի», – Պիշչեկի խոսքերը մեջբերում է Goal.com-ը:
Հիշեցնենք, որ ՉԼ կիսաեզրափակչի «Բորուսիա» – «Ռեալ» առաջին հանդիպումը տեղի կունենա վաղը Երևանի ժամանակով 22:45-ին:
|