Մադրիդի «Ռեալի» ամենահայտնի ֆան շարժման` Ultras Sur-ի անդամները այսօր հանդես են եկել հայտարարությամբ, որով հերքում են կատալոնական Sport.es-ի տարածած այն լուրերը, ըստ որոնց իրենք Կասիլյասին անվանել են խլուրդ ու խորհուրդ տվել լքել ակումբը:
«Մենք լիովին հերքում ենք այն լուրերը, ըստ որոնց մենք վանկարկումներ ենք հնչեցրել ընդդեմ Կասիլյասի: Ախ այդ ահաբեկիչ լրագրողները»,- նշվում է շարժման առաջին հաղորդագրության մեջ:
Ավելի ուշ նրանք հանդես եկան երկրորդ հայտարարությամբ.«Այսպիսի լրագրողները փորձում են խաթարել «Ռեալում» տիրող մթնոլորտը` տեղադրելով կեղծ հաղորդագրություն Twitter-ում, որը կայծակնային արագությամբ է տարածվում ու դասվում նորությունների շարքին: Այն մարդիկ, ովքեր ծիծաղում են գետնին պառկած մուրացկանի վրա, հիմա մեղադրում են մեզ ընդդեմ Կասիլյասի հնչեցրած վիրավորական վանկարկումների մեջ: Մենք պատրաստվում ենք պատռել այդ տականքների դիմակը: Ձեր այսօրվա նորությունները ուղղակի ավելի են ստիպում մեզ տեսնել, թե ինչքան անպետք են Բարսելոնայի թերթերը»: Այս հաղորդագրությունները տեղադրվել են Ultras Sur-ի ֆեյսբուքյան էջում:
| 
