Գլխավոր էջ » 2013 » Ապրիլ » 20 » 2013 ԹՎԱԿԱՆԻ 17-ՐԴ ՀԱՂԹԱՆԱԿԻ ԱԿՆԿԱԼԻՔՈՎ «ՌԵԱԼԸ» ԿԽԱՂԱ «ԲԵՏԻՍԻ» ԴԵՄ
2013 ԹՎԱԿԱՆԻ 17-ՐԴ ՀԱՂԹԱՆԱԿԻ ԱԿՆԿԱԼԻՔՈՎ «ՌԵԱԼԸ» ԿԽԱՂԱ «ԲԵՏԻՍԻ» ԴԵՄ
45 օրից էլ քիչ ժամանակ է մնում մինչ մրցաշրջանի պաշտոնական ավարտը ակումբի համար, ու «Ռեալ Մադրիդը» իր ողջ ուժերը ներդնելու է, որպեսզի կարողանա շարունակել իր հաղթարշավը մրցաշրջանի ամենակարևոր հատվածում: Այսօր «Ռեալը» հյուրընկալելու է «Բետիսին» «Սանտիագո Բեռնաբեու» մարզադաշտում (20:00) ու նպատակ ունի շարունակել 9 անպարտելի խաղերի շարքը «Բորուսիայի» դեմ շատ կարևոր խաղից առաջ: Մոուրինյոյի թիմը փորձելու է շարունակել այս տարի սեփական հարկի տակ անպարտելի մնալու ավանդույթը՝ մրցելով առաջնության երրորդ լավագույն «արտագնա» թիմի դեմ: Իսկ ահա Կրիշտիանու Ռոնալդուն փորձելու է շարունակել իր գործը՝ գոլ խփելով արդեն 9-րդ անընդմեջ խաղում:
Մրցաշրջանի որոշիչ հատվածը վրա է հասել, ու թիմը փորձելու է պահպանել այն լավ մարզավիճակը, որի շնորհիվ կարողացավ հասնել Չեմպիոնների լիգայի կիսաեզրափակիչ ու գավաթի խաղարկության եզրափակիչ: Ժոզե Մոուրինյոյի թիմը փորձելու է շարունակել իր լավ խաղերի շարքը ու հաղթել մի թիմի, որին հաղթել է վերջին երեք «տնային» հանդիպումներում: Ընդհանուր առմամբ, «Ռեալը» 47 անգամ ընդունել է «Բետիսին» Մադրիդում ու հաղթել է 35 անգամ:
ԹԻՄԵՐԻ ՄՐՑԱՇԱՐԱՅԻՆ ԴՐՈՒԹՅՈՒՆԸ
Տանը
Դրսում
Տեղ
Միավ.
Խ
Հ
Ո
Պ
Խ
Հ
Ո
Պ
Ռեալ Մադրիդ
2º
68
15
13
2
0
16
8
3
5
Բետիս
7º
48
16
7
4
5
15
7
2
6
«Սանտիագո Բեռնաբեուն» այս մրցաշրջանում իսկական ամրոց է դարձել թիմի համար, որը 25 խաղերից հաղթել է 20-ում ու 5 անգամ ոչ-ոքի խաղացել բոլոր մրցաշարերում միասին վերցրած: Մոուրինյոյի թիմը փորձելու է 7-րդ անընդմեջ հաղթանակը տանել «Բեռնաբեուում» ու նաև շարունակել 39 անպարտելի տնային հանդիպումների շարքը:
Ժոզե Մոուրինյոն խաղին հայտավորել է 19 ֆուտբոլիստների, որոնց շարքում է նաև «Կաստիլյայի» բրազիլացի խաղացող Կազեմիրոն: Խաբի Ալոնսոն բացակայում է 5 դեղին քարտ ստանալու ու որակազրկվելու պատճառով, բայց հայտավորված են Կրիշտիանուն ու Իգուաինը: Պորտուգալացին գոլի հեղինակ է դարձել վերջին 8 խաղերում՝ ընդհանուր առմամբ խփելով 11 գոլ, մինչդեռ արգենտինացին ով առաջնության վերջին 4 խաղում նույնքան գոլ է խփել, ընդհանուր առմամբ 5 գոլ է խփել «Բետիսի» դեմ վերջին երեք խաղերում:
«Բետիսը» առաջնության արտագնա խաղերում ամենաշատ միավորներ վաստակած երրորդ լավագույն թիմն է
«Բետիսը» ժամանում է Մադրիդ՝ գտնվելով մրցաշարային աղյուսակի 7-րդ հորիզոնականում վաստակած 48 միավորներով ու ընդամենը երկու հորիզոնականով հետ մնալով Եվրոպա լիգայի գոտուց: Մինչ այժմ անդալուսյան թիմը տարել է 14 հաղթանակ, խաղացել է 6 ոչ-ոքի ու 11 անգամ զիջել է մրցակցին, իսկ արտագնա խաղերում նրանք վաստակել են 23 միավոր՝ այս ցուցանիշով զիջելով միայն «Բարսելոնային» ու «Ռեալին»:
ԹԻՄԵՐԻ ՄԻՋԵՎ ԱՌԱՋՆՈՒԹՅԱՆ ԽԱՂԵՐԸ «ԲԵՌՆԱԲԵՈՒՈՒՄ»
Խ
Հ
Ո
Պ
ԽԳ
ԸԳ
Ռեալ Մադրիդ
47
35
7
5
129
36
Բետիս
47
5
7
35
36
129
Պեպե Մելի թիմը շարունակում է մնալ առաջնության հաճելի անակնկալներից մեկը շնորհիվ իր ցուցադրած գրավիչ ու արդյունավետ խաղի: Մելը հունվարին թիմ բերեց Դորլան Պաբոնին ու նա արդեն 5 գոլ է խփել, իսկ թիմի լավագույն ռմբարկուն է Ռուբեն Կաստրոն 16 գոլով: Նրանից հետո գալիս է Խորխե Մոլինան, ով 9 գոլ է խփել: Մելը Մադրիդ է բերել 19 խաղացողների, որոնց թվում է շարք վերադարձած Սալվա Սևիլիան:
