«Ռեալի» պաշտպան Մարսելոն, խոսելով Չեմպիոնների լիգայի կիսաեզրափակչի «Բորուսիայի» հետ հանդիպման մասին, համեմատել է երկու թիմերին:
««Բորուսիան» հրաշալի թիմ է, սակայն «Ռեալը» շատ է ցանկանում դուրս գալ Չեմպիոնների լիգայի եզրափակիչ: Այո, մենք հիշում ենք, թե ինչ դժվարություններ ունեցանք խմբային փուլում, սակայն դա արդեն ուրիշ պատմություն է: «Ռեալը» և «Բորուսիան» շատ նման են և միշտ ձգտում են գրոհել: Ինչ վերաբերում է անհատներին, ապա մրցակիցն ուժեղ է որպես թիմ, ուստի սխալ կլինի մտածել, որ որևէ ֆուտբոլիստի փակելով` հնարավոր կլինի հաղթել այդ խաղում», – Մարսելոյի խոսքերը մեջբերում է Marca-ն:
Հիշեցնենք, որ «Բորուսիա» – «Ռեալ» առաջին հանդիպումը տեղի կունենա ապրիլի 24-ին Դորտմունդում, իսկ պատասխան խաղը` ապրիլի 30-ին Մադրիդում:
| 
