Մադրիդի «Ռեալի» պաշտպան Սերխիո Ռամոսը «Ատլետիկ Բիլբաոյի» դեմ խաղից հետո կիսվել է տպավորություններով, գնահատել է Կրիշտիանու Ռոնալդուի խաղն ու կիսվել «Բորուսիայի» դեմ խաղից ունեցած ակնկալիքներով:
«Մեր թիմը խաղն անցկացրեց բարձր մակարդակով ու արժանիորեն հաղթանակ տարավ: Սա մեծ խաղ էր: Ինձ դուր է գալիս այն մթնոլորտը, որ տիրում է այստեղ:
Կրիշտիանուն անհավանական խաղ ցուցադրեց: Նա այն խաղացողներից է, ում ամենից շատ են քննադատում: Բայց նա մեծ մոտիվացիա ունի: Հուսով եմ՝ մինչև մրցաշրջանի վերջ նա այսպիսի խաղ կցուցադրի: Դա մեզ համար կարևոր է:
Այս մրցաշրջանում մենք դեռևս ոչնչի չենք հասել: Բայց ամեն դեպքում մենք լավ աշխատանք ենք կատարել: «Ռեալը» դուրս է եկել գավաթի խաղարկության եզրափակիչ, Չեմպիոնների լիգայի կիսաեզրափակիչ, բացի այդ մեզ համար կարևոր են նաև առաջնության խաղերը:
«Բորուսիա՞ն»: Չեմպիոնների լիգայի կիսաեզրափակչում խաղալու են հիանալի թիմեր: Մենք բավականին մրցակիցներ ենք ունեցել Գերմանիայից: Նրանց դեմ խաղալը միշտ էլ բարդ է, այնպես որ մենք պետք է ցուցադրենք մեր լավագույն խաղը»,- նշել է Ռամոսը:
|