Խաբի Ալոնսոն «Ատլետիկի» դեմ հանդիպումը սկսեց մեկնարկային կազմում ու դարձավ գոլային փոխանցման հեղինակ: Խաղից հետո բասկ կիսապաշտպանը կիսվեց տպավորություններով:
«Մրցակիցը ընտրել էր ինտենսիվ խաղ խաղալու տարբերակը՝ պայքարելով դաշտի ամեն մի հատվածի համար, ու բավականին ուժեղ դիմադրություն ցույց տվեց առաջին խաղակեսում: Երկրորդ կեսում մենք ավելի ու ավելի էինք տիրում նախաձեռնությանը, իսկ արդեն երկրորդ գոլից հետո խաղի կառավարումն ամբողջովին անցավ մեր ձեռքը: Սա լավ արդյունք է, որ մենք ցանկանում էինք ձեռք բերել՝ երկրորդ տեղում մնալու համար»,- նշեց Խաբին:
Ալոնսոն խոսեց նաև Կրիշտիանու Ռոնալդուի խաղի մասին.«Մենք մի թիմ ենք, իսկ Ռոնալդուն՝ ֆանտաստիկ ֆուտբոլիստ: Նա մեզ համար շատ կարևոր գոլեր է խփում, ինչը մեծ նշանակություն ունի: Հիմա կամաց-կամաց մոտենում է բարդ խաղերի հատվածը, որին մենք մոտենում ենք լավ մարզավիճակում, սակայն պետք է քայլ առ քայլ առաջ շարժվել»:
Բասկ խաղացողը խոսեց նաև «Սան Մամես» մարզադաշտի մասին, որտեղ վերջին անգամ էր կայանում Էլ Կլասիկո «Ռեալի» համար.«Այն, որ մենք եկել էինք այստեղ՝ իմանալով, որ վերջին անգամ ենք դուրս գալու այս խոտածածկ, հատուկ զգացում էր: Ամեն անգամ այստեղ խաղալիս ես մեծ հաճույք եմ ստացել ու կկարոտեմ այս մարզադաշտը, բայց պետք է առաջ շարժվել»
|