Մադրիդի «Ռեալի» պատվավոր նախագահ Ալֆրեդո դի Ստեֆանոն «Լա Ֆե» կլինիկայից դուրս գրվելուց հետո խոսել է Չեմպիոնների լիգայի 1/2 փուլի վիճակահանության մասին՝ անդրադարձ կատարելով նաև ակումբի գլխավոր մարզիչ Ժոզե Մոուրինյոյին:
Հիշեցնենք, որ վիճակահանության արդյունքում «Ռեալի» հակառակորդն է «Բորուսիան», իսկ «Բարսելոնան» մրցելու է «Բավարիայի» հետ:
«Ես դուրս եմ գրվել հիվանդանոցից ու լավ եմ զգում: Հիմա կարևորագույնն այն է, որ Մոուրինյոն մնա «Ռեալում» նաև հաջորդ մրցաշրջանի ընթացքում:
Ինչ վերաբերում է Չեմպիոնների լիգայի վիճակահանությանը, ինձ համար միևնույն էր, թե որ թիմը մեզ բաժին կհասներ: Ես հիմա արդեն չեմ խաղում...
Թիմը ցանկանում է հաղթել Չեմպիոնների լիգայում. նրանք պետք է պատրաստ լինեն ամեն ինչին»,- AS-ը փոխանցում է Դի Ստեֆանոյի խոսքերը:
|