Դորտմունդի «Բորուսիայի» գլխավոր տնօրեն Հայնց-Յոահիմ Վացկեն մեկնաբանել է Չեմպիոնների լիգայի 1/2 փուլի վիճակահանության արդյունքը:
Հիշեցնենք, որ վիճակահանության համաձայն՝ Մադրիդի «Ռեալի» մրցակիցն է Դորտմունդի «Բորուսիան», իսկ «Բավարիան» ուժերը չափելու է «Բարսելոնայի» հետ:
«Ես չեմ կարծում, թե «Ռեալը» վախենում է մեզնից խմբային փուլում տեղի ունեցածից հետո: Նրանք մեզ այնպես են վերաբերվում, ինչպես մենք իրենց: Մենք գոհ ենք վիճակահանության արդյունքներից, բայց ոչ թե այն բանի համար, որ թույլ հակառակորդ է մեզ բաժին հասել, այլ նրա համար, որ ցանկանում ենք խաղալ միջազգային ֆուտբոլ, քանի որ հենց սա է Չեմպիոնների լիգայի իմաստը: Անիմաստ կլիներ, եթե ևս մեկ անգամ չափեինք մեր ուժերը «Բավարիայի» հետ»,- մասնավորապես ասել է Վացկեն:
Նշենք, որ «Բորուսիա» - «Ռեալ» առաջին խաղը տեղի է ունենալու ապրիլի 24-ին(Դորտմունդ), իսկ պատասխան խաղը՝ ապրիլի 30-ին(Մադրիդ):
| 
