Մադրիդի «Ռեալի» հարձակվող Կրիշտիանո Ռոնալդուն Իսպանիայի առաջնության 30-րդ տուրում «Լևանտեի» հետ կայացած հանդիպումից հետո (5:1) ասել է, որ իրենք ներկայումս ցուցադրում են մրցաշրջանի ընթացքում իրենց լավագույն խաղը, հայտնում է «Արքայական ակումբի» պաշտոնական կայքը: «Հնարավոր է մենք հիմա մրցաշրջանի ընթացքում մեր լավագույն մարզավիճակում ենք: Իմ նպատակն է գոլերով և փոխանցումներով մշտապես օգնել «Ռեալին»: Խփած գնդակները երջանկացնում են ինձ, քանի որ դա իմ մասնագիտությունն է: Փորձում եմ հնարավոր ամեն ինչ անել թիմի համար: Ցանկանում եմ մինչև խաղաշրջանի ավարտը շարունակել նույն ոգով, իսկ թիմը միշտ էլ կարող է հույս դնել ինձ վրա: Առաջնությունում տարած հաղթանակները մեզ բարոյական շարժառիթ են տալիս Չեմպիոնների լիգայի համար»,- ասել է Ռոնալդուն:
| 
