1. Կուն Ագուերո
Մադրիդի «Ռեալը» արգենտիացուն ցանակնում էր ձեռք բերել դեռ այն ժամանակ, երբ Ագուրեոն պաշտպանում էր «Ատլետիկոյի» գույները: Սակայն արգետինացին մերժեց «Ռեալի» առաջարկը, քանի որ տվյալ պահին հանդիսանում էր Մադրիդը ներկայացնող մեկ այլ թիմի ֆուտբոլիստ: Ագուերոն տեղափոխվեց «Մանչեսթեր Սիթի»: Վերջերս շատ են շրջանառվում լուրեր, ըստ որոնց՝ «արքայական» ակումբը ցանկանում է 45 մլն ֆունտի դիմաց թիմ հրավիրել Ագուերոյին: Արգետինացին «Ռեալի» համար համարվում է համար առաջին նպատակը առաջիկա ամառային տրանսֆերային պատուհանի ժամանակ:
2. Գարեթ Բեյլ
Լոնդոնի «Տոտենհեմի» և Ուելսի ազգային հավաքականի հարձակվողական ոճի կիսապաշտպան Գարեթ Բեյլը այս մրցաշրջանում աչքի է ընկնում անհավանական խաղով: Բացի «Ռեալից» Բեյլին ցանկանում է գնել նաև կատալոնական «Բարսելոնան», սակայն, ինչպես բազմիցս հենց ինքը՝ Բեյլն է նշել, նա ավելի շատ հավակնում է «արքայական» ակումբին: Բեյլը չի բացառել, որ կարող է այս մրցաշրջանի ավարտից հետո հեռանալ Լոնդոնից: Միևնույն ժամանակ, «Ռեալը» հետզհետե ավելի է լրջացնում այս հարցը, քանի որ ֆուտբոլստի հավանական տեղափոխությունը դիտարկում էր դեռ 2010/11 թթ. մրցաշրջանում:
3. Իսկո
Իսպանական «Մալագայի» երիտասարդ հարձակվողական ոճի կիսապաշտպան Իսկոն այս մրցաշրջանում նույնպես գերել է մի շարք եվրոպական ակումբների ուշադրությունը: Ճիշտ է, համեմատած մյուս ֆուտբոլիստների, Իսկոյի՝ «Ռեալ» հավանական տեղափոխության մասին լուրերը ավելի քիչ են շրջանառվում, իսպանական պարբերականները պնդում են, որ Իսկոն նույնպես մտնում է «Ռեալի» առաջիկա պլանների մեջ:
4. Դանիել Կարվախալ
Դանիել Կարվախալը, ով հանդիսանում է «Ռեալի» սան, 2012 թվականին «Ռեալի» երկրորդ թիմից՝ Կաստիլիայից, տեղափոխվեց Լեվերկուզենի «Բայեր»: Ստորագրված պայմանագրում նշվեց մի կետ, ըստ որի՝ երբ «Ռեալը» իսպանացուն ցանկանա հետ վերադարձնել, ապա կունենա ամենաիրական շանսերը: Այժմ ակումբի ղեկավարությունը դիտարկում է երիտասարդ աջեզրային պաշտպանի թեկնածությունը, քանի որ ներկայիս դրությամբ «Ռեալում» ամենաթույլ օղակը կարելի է համարել հենց աջ պաշտպանի գոտին՝ հանձնիս Ալվարո Արբելոայի:
Այսպիսով, «Ռեալի» նախագահ Ֆլորենտինո Պերեսը պատրաստվում է ամառային տրանսֆերային պատուհանի ժամանակ աստղաբաշխական գումարներ ծախսել վերոնշյալ ֆուտբոլիստներին գնելու համար: