Գլխավոր էջ » 2013 » Մարտ » 23 » ԻԳՈՒԱԻՆ. «ԱՐԳԵՆՏԻՆԱՅԻ ՆԵՐԿԱՅԻՍ ՀԱՎԱՔԱԿԱՆՆ ԻՆՁ ՇԱՏ Է ԳՈՀԱՑՆՈՒՄ»
ԻԳՈՒԱԻՆ. «ԱՐԳԵՆՏԻՆԱՅԻ ՆԵՐԿԱՅԻՍ ՀԱՎԱՔԱԿԱՆՆ ԻՆՁ ՇԱՏ Է ԳՈՀԱՑՆՈՒՄ»
Արգենտինայի ազգային հավաքականի ու Մադրիդի «Ռեալի» հարձակվող Գոնսալո Իգուաինն Աշխարհի գավաթի խաղարկության որակավորման փուլի շրջանակներում Վենեսուելայի ընտրանու նկատմամբ տարած հաղթանակից հետո խոսել է խաղի մասին:
Նշենք, որ Արգենտինայի հավաքականն առավելության հասավ 3:0 հաշվով: Գոլերից երկուսը հեղինակեց Գոնսալո Իգուաինը, իսկ մյուսը՝ կատալոնական «Բարսելոնայի» հարձակվող Լիոնել Մեսսին:
«Այս հաղթանակից հետո ինձ շատ հանգիստ եմ զգում: Հարկ է նշել, որ ինձ լիովին գոհացնում է մեր ներկայիս հավաքականը: Ամեն պարագայում մենք չպետք է հանգստանանք. առջևում կարևոր խաղ է Բոլիվիայի ընտրանու հետ: Վատ չէր լինի, եթե նրանց էլ հաղթեինք»,- արգենտինական մամուլը փոխանցում է Գոնսալոյի խոսքերը:
