Չեմպիոնների լիգայի քառորդ եզրափակիչի շրջանակներում կայանալիք «Ռեալ Մադրիդ» - «Գալաթասարայ» հանդիպմանը թուրքական թիմին սատարելու են շուրջ 15000 աջակիցներ: Այս մասին գրում է թուրքական մամուլը:
Հաղորդման համաձայն՝ երկրպագուների ճնշող մեծամասնությունը խաղին չի կարողանա հետևել «Սանտիագո Բեռնաբեուից», քանի որ «Գալաթասարային» տրվել է ընդամենը 3500 տոմս: Ստացվում է, որ «Գալաթասարայի» երկրպագուներն զբաղեցնելու են մարզադաշտի 5 տոկոս հատվածը:
Չնայած այս դժվարությանը՝ «Գալաթասարայի» երկրպագուները «Բեռնաբեու» մտնելու այլ եղանակ են գտել. նրանք պատրաստվում են տոմս ձեռք բերել հենց Realmadrid.com-ից՝ պատվիրման եղանակով:
Հիշեցնենք, որ «Ռեալ Մադրիդ» - «Գալաթասարայ» առաջին խաղը տեղի է ունենալու ապրիլի 3-ին, իսկ պատասխան խաղը՝ 9-ին: Առաջին խաղը տեղի է ունենալու Մադրիդում, երկրորդը՝ Ստամբուլում:
| 
