Այսօր երեկոյան Իսպանիայի հավաքականը հանդես կգա Ֆինլանդիայի հետ 2014 թվականի Աշխարհի առաջնության որակավորման փուլի շրջանակներում: Այս հանդիպումը կօգնի «Ֆուրիա ռոխայի» գլխավոր մարզիչ Վիսենտե Դել Բոսկեին և պաշտպան Սերխիո Ռամոսին միանգամից երկու ռեկորդ թարմացնել: Այս մասին հաղորդում է Football Espana-ն:

Այսպիսով, Դել Բոսկեն առաջ կանցնի Լադիսլավ Կուբալային Իսպանիայի հավաքականի ղեկին անցկացրած հանդիպումների քանակով (այսօր Վիսենտեի մոտ այդ թիվը կհասնի 69-ի) և նա կզբաղեցնի առաջին հորիզոնականը այս ցուցանիշով:

Իր հերթին՝ Ռամոսը իր 100-րդ հանդիպումը կանցկացնի ազգային հավաքականի կազմում և կդառնա եվրոպական ֆուտբոլի պատմության մեջ ամենաերիտասարդ խաղացողը, ով հասել է այս ցուցանիշին: Սերխիոն իր հոբելյանական հանդիպումը կանցկացնի 26 տարեկան և 358 օրեկան հասակում՝ անցնելով Լուկաս Պոդոլսկուն (27 տարեկան և 13 օրեկան):