Մադրիդի «Ռեալի» և Իսպանիայի հավաքականի պաշտպան Սերխիո Ռամոսը կարծիք է հայտնել Ֆինլանդիայի և Ֆրանսիայի հավաքականների հետ առաջիկա հանդիպումների մասին:
«Չենք կարող ապրել անցյալով: Այո, մենք աշխարհի գործող չեմպիոններն ենք, սակայն այժմ պետք է լուծենք Աշխարհի առաջնության ուղեգրի հարցը: Պետք է ձգտենք պահպանել տիտղոսը: Այժմ պատրաստվում ենք Ֆինլանդիայի և Ֆրանսիայի հավաքականների հետ խաղերին: Աշխարհի առաջնության եզրափակիչ փուլ դուրս գալու հնարավորությունների մասին կխոսենք դրանցից հետո», – Ռամոսի խոսքերը մեջբերում է Marca-ն:
Այսօր Սերխիո Ռամոսն Իսպանիայի հավաքականում կարող է անցկացնել իր 100-րդ հանդիպումը: Նա կդառնա ամենաերիտասարդ ֆուտբոլիստը, ով հասել է այդ ցուցանիշին: «Հպարտ եմ, որ կարող եմ ռեկորդ սահմանել: Ես ընդամենը 26 տարեկան եմ, և ինձ վրա մեծ պատասխանատվություն է դրված», – ավելացրել է պաշտպանը:
| 
