Ֆրանսիական լրատվամիջոցների տեղեկություններով` Մադրիդի «Ռեալի» գլխավոր մարզիչ Ժոզե Մոուրինիոյի գործակալ Խորխե Մենդեսը Փարիզում հանդիպել է ՊՍԺ-ի ղեկավարության հետ։
Գաղտնիք չէ, որ Special One-ը մրցաշրջանի ավարտին կարող է լքել Արքայական ակումբը՝ ներքին առաջնության ոչ այնքան հուսադրող ցուցանիշներից հետո, ինչի արդյունքում մադրիդցիներին, ամենայն հավանականությամբ, չի հաջողվի պահպանել չեմպիոնական տիտղոսը։
Այդուհանդերձ, այն բանից հետո, երբ «Ռեալն» Արքայական Գավաթի խաղարկությունից դուրս թողեց «Բարսելոնային», իսկ Չեմպիոնների լիգայում՝ «Մանչեսթեր Յունայթեդին», Մոուրինիոյի մնալ-չմնալու հեռանկարը «Սանտյագո Բերնաբեուում» դեռևս շատ անորոշ է։
Mercato365-ի փոխանցմամբ` ՊՍԺ-ի նախագահ Նասեր Ալ Հելայֆին Փարիզում հանդիպել է Մենդեսի հետ, որպեսզի քննարկի պորտուգալացի մասնագետի՝ փարիզյան թիմի հետ աշխատելու հնարավորությունը։
Ինքը՝ Մոուրինիոն, հրաժարվել է պատասխանել հաջորդ մրցաշրջանի առումով իր ապագային վերաբերող հարցերին։
| 
