Գլխավոր էջ » 2013 » Մարտ » 19 » ԿՐԻՇՏԻԱՆՈՒ ՌՈՆԱԼԴՈՒՆ ՈՒ ԺՈԶԵ ՄՈՈՒՐԻՆՅՈՆ՝ ԼԱ ԼԻԳԱՅԻ ԼԱՎԱԳՈՒՅՆ ԽԱՂԱՑՈՂ ՈՒ ՄԱՐԶԻՉ
ԿՐԻՇՏԻԱՆՈՒ ՌՈՆԱԼԴՈՒՆ ՈՒ ԺՈԶԵ ՄՈՈՒՐԻՆՅՈՆ՝ ԼԱ ԼԻԳԱՅԻ ԼԱՎԱԳՈՒՅՆ ԽԱՂԱՑՈՂ ՈՒ ՄԱՐԶԻՉ
Մադրիդի «Ռեալի» գլխավոր մարզիչ Ժոզե Մոուրինյոն ու թիմի առաջատար Կրիշտիանու Ռոնալդուն այսօր պատվավոր մրցանակներ ստացան իսպանական ամենահայտնի պարբերականի՝ Marca-ի գրասենյակում:
Ամենամյա ավանդույթ դարձած այս մրցանակաբաշխության ժամանակ պարգևատրվում են արդեն իսկ ավարտված մրցաշրջանի լավագույն մարզիչն ու խաղացողը:
Ինչպես հասցրիք կռահել, Ժոզե Մոուրինյոն ստացավ Միգել Մունյոսի անվան մրցանակը, որ շնորհվում է լավագույն մարզչին: Ռոնալդուն, իր հերթին, ստացավ դոն Ալֆրեդո դի Ստեֆանոյի անվան մրցանակը՝ հենց արգենտինացու ձեռքից:
Միջոցառմանը ներկա էին նաև ակումբի նախագահ Ֆլորենտինո Պերեսն ու արտաքին կապերի գծով տնօրեն Էմիլիո Բուտրագենիոն, ովքեր բարձր գնահատեցին ակումբի ներկայացուցիչների կողմից մրցանակները ստանալը: