Մադրիդի «Ռեալի» լեգենդ, պատվավոր նախագահ Ալֆրեդո դի Ստեֆանոն վերհիշել է իր մանկությունն ու խոսել վերջինիս մասին:
«Ֆրանցիսկ Պապն ինձ հետ դպրոց է հաճախել Բուենոս Այրեսում: Բնական է, որ նրա՝ Հռոմի Պապ դառնալն ուրախացնում է ինձ: Գուցեև նա եղել է այն տղաների թվում, որոնց հետ ես մանուկ հասակում ֆուտբոլ եմ խաղացել: Այդ ժամանակ մենք գլորում էինք գնդակը նույնիսկ այն ժամանակ, երբ փողոցում ամբողջովին մթություն էր:
Կարող եք նրան հարցնել... Այդ ժամանակ ես արդեն հայտնի էի, քանի որ հանդես էի գալիս «Ռիվեր Փլեյթի» երիտասարդական թիմում: Բոլորն ինձ գիտեին»,- Marca-ն փոխանցում է Դի Ստեֆանոյի խոսքերը:
Հատկանշական է, որ «Ռեալի» Պապիկը հինգ անգամ թիմի հետ դարձել է Չեմպիոնների լիգայի հաղթող՝ մասնակցելով 11 մրցաշրջանների:
|