Մադրիդի «Ռեալի» ու Խորվաթիայի ազգային հավաքականի կիսապաշտպան Լուկա Մոդրիչը, ով երեկ դարձավ հրաշալի գոլի հեղինակ, խոսել է «Մալյորկայի» դեմ կայացած խաղի մասին: Հիշեցնենք, որ Մադրիդի «Ռեալը» «Սանտիագո Բեռնաբեու» մարզադաշտում ընդունեց «Մալյորկային», որի դարպասն ուղարկեց 5 գնդակ՝ սեփականն ընդունելով երկուսը:
«Շատ լավ եմ զգում, բայց չեմ ցանկանում խոսել իմ խաղի մասին: Ես ուրախ եմ իմ գոլի ու իմ խաղի համար, շարունակելու եմ այսպես: Հիմա ինձ ավելի հարմար եմ զգում: «Մանչեսթերի» դեմ կայացած խաղից հետո ավելի ուշադիր եմ գործում, քան դրանից առաջ: Ես ուշադիր էի նաև առաջ, բայց ոչ այնքան, որքան ցանկանում էի: Սա ֆուտբոլ է, և մի խաղի արդյունքում ամեն ինչ կարող է գլխիվայր շուռ գալ, երբեմն... լավ ուղղությամբ»:
Մոդրիչը խոսել է նաև «Գալաթասարայի» դեմ առաջիկա խաղի մասին. «Բարսելոնայի» ու «Յունայթեդի» դեմ խաղերից հետո մենք, կարծես, վերագտել ենք մեր խաղը: Եթե նույն կերպ շարունակենք, կարող ենք դուրս գալ մյուս փուլ: Հեշտ խաղ չի սպասվում. բարդ է լինելու: Չմոռանանք, որ այնտեղ են խաղում Դրոգբան ու Սնեյդերը, որոնք առավել վտանգավոր են: Մենք ցանկանում ենք կիսաեզրափակիչի ուղեգիր նվաճել»:
|