Մադրիդի «Ռեալի» նախկին գլխավոր մարզիչ Բերնդ Շուստերը հայտարարել է, որ ոչ մի կասկած չունի Իկեր Կասիլյասի ուժերի վրա: Այս մասին տեղեկացնում է marca.com-ը:
Հիշեցնենք, որ «Արքայական ակումբի» հիմնական դարպասապահ Իկեր Կասիլյասն Արբելոայի անզգուշության պատճառով կոտրեց ձեռքը, որի հետևանքով այժմ շարքից դուրս է: Նրան փոխարինելու եկավ Դիեգո Լոպեսը, ով բավական լավ հանդիպումներ է անցկացնում: Որոշ մարդկանց կարծիքով՝ Կասիլյասի վերադառնալու դեպքում էլ հիմնական դարպասապահի ով լինելը միանշանակ չէ, և Իկերը պիտի պայքարի տեղը վերագտնելու համար:
«Կասիլյասն արժանի է «Ռեալի» մարզչական անձնակազմի վստահությանը: Ամեն դեպքում նա վնասվածքի պատճառով չի խաղում, ոչ թե անկայուն խաղի: Ես լավ գիտեմ Իկերին ու վստահ եմ՝ նա կպայքարի հիմնական կազմում իր տեղի համար: Իհարկե, հրաշալի է, որ թիմում կա այնպիսի արդյունավետ դարպասապահ, ինչպիսին Դիեգո Լոպեսն է»,- մասնավորապես ասել է Բերնդ Շուստերը:
|