«Ռեալ»-ի գլխավոր մարզիչ Ժոզե Մոուրինյոն «Մանչեսթեր Յունայթեդ»-ի դեմ խաղից հետո խոսել է լրագրողների հետ ու կարծիք հայտնել խաղի մասին: «Այսօր իմ համար ամենագլխավոր եզրակացությունն այն էր, որ մենք վատ խաղացինք: Նույնիսկ թվային առավելություն ունենալով ու հաշվի մեջ առաջ լինելով՝ մենք չէինք տնօրինում գնդակի տեղաշարժը:
Լավ է, որ մենք ունենք դարպասապահ, ով փրկեց մեզ բոլոր դրվագներում: Իսկ «Մանչեսթեր Յունայթեդ»-ն ուղղակի առյուծի բնավորություն ունի: Մրցակցի խաղացողները շատ ագրեսիվ էին խաղում, բառիս լավ իմաստով:
Ինչ վերաբերվում է Նանիի հեռացմանը, ապա դա մրցավարի որոշումն էր: Նա կարող էր թե՛ հեռացնել նրան, թե՛ դեղին քարտ ցույց տալ: Ես ներողություն խնդրելու պատճառ չեմ տեսնում:
Ալեքս Ֆերգյուսոնի մասին մեկ բան կասեմ. նա հավասարը չունի», – Մոուրինյոյի խոսքերն է մեջբերում Sky Italia-ն:
|