Գլխավոր էջ » 2013 » Մարտ » 6 » ԾՆՆԴՅԱՆ 111 ԱՄՅԱԿԻ ԱՌԹԻՎ «ՌԵԱԼԸ» ՔԱՌՈՐԴ ԵԶՐԱՓԱԿՉԻ ՈՒՂԵԳԻՐ ՊԱՐԳԵՎԵՑ ԵՐԿՐՊԱԳՈՒՆԵՐԻՆ
ԾՆՆԴՅԱՆ 111 ԱՄՅԱԿԻ ԱՌԹԻՎ «ՌԵԱԼԸ» ՔԱՌՈՐԴ ԵԶՐԱՓԱԿՉԻ ՈՒՂԵԳԻՐ ՊԱՐԳԵՎԵՑ ԵՐԿՐՊԱԳՈՒՆԵՐԻՆ
Մարախլապատ Ալբիոնում մեկնարկ տված նոր պատմությունն իսկական իրարանցում էր ողջ ֆուտբոլային աշխարհում: «Օլդ Թրաֆորդ»-ի՝ «Կարմիր սատանաների» ոգով լեցուն մթնոլորտն իսկական դժոխային զգացումների առիթ էր խոստանում: «Օլդ Թրաֆորդ»-ն իսկապես պատրաստ էր դրան: Երկու արժանիների բախումից ստացված պտուղն իսկական ֆուտբոլի սիրահարինն է, որ խելագարի է վերածվում, երբ իր սիրելի թիմը հաջողության չի հասնում: Այդպես էր թվում նաև «Ռեալի» պարագայում, սակայն ամեն ինչ շրջադարձային եղավ:
Այսօր այդ ամենի կրողն ու ականատեսը կարող էին դառնալ «Արքայական ակումբի» երկրպագուները, որ իսկական հավատով ու սպասումով էին մոտեցել այս սակավ հանդիպող, բայց հավերժական պայքարին:
Առաջին խաղակեսում ծավալված պայքարը փոքր-ինչ հակասական էր թիմերի անունների ստեղծած ֆոնի վրա, բայց երկրորդ կեսում մրցավարի սուլիչի ձայնի հնչելուն պես սկսվեց իսկական իրարանցումը, որ նման էր պատերազմական գործողության: Միմյանց հաջորդող գրոհներ, մեկը մյուսին լրացնող քայլեր, հարվածներ ու իահրկե փրկություն...
Այս ամենի միջով անցան «Ռեալ»-ն ու «Մանչեսթեր Յունայթեդ»-ը՝ երկու թիմերի երկրպագուների համար էլ մեծ տոն պարգևելով: Ի վերջո հաղթող դարձավ «Արքայական ակումբը»՝ իր 111 ամյակի առթիվ իսկական նվեր մատուցելով երկրպագուներին:
Այսպիսով՝ Մադրիդի «Ռեալ»-ը քառորդ եզրափակիչում է: Շնորհավորում ենք «Արքայական ակումբի» բոլոր երկրպագուներին թե´ թիմի արժանի հաղթանակի, թե´ «Ռեալ»-ի 111 ամյակի առթիվ: