Մեսութ Օզիլը «Նոու Կամպում» կայանալիք Իսպանիայի գավաթի խաղարկության կիսաեզրափակիչ պատասխան խաղից առաջ լավ վիճակագրություն ունի: Կենտրոնական կիսապաշտպանը Բարսելոնա կատարած նախորդ չորս այցերի ժամանակ ցույց է տվել դաշտը տեսնելու և խաղը զգալու իր ունակությունները: Կրիշտիանու Ռոնալդուն էր Օզիլի չորս գոլային փոխանցումների հասցեատերը:
«Նոու Կամպում» Օզիլի չորս գոլային փոխանցումները երեք տարբեր մրցաշարերում էին՝ Իսպանիայի առաջնություն, Իսպանիայի գավաթ և Իսպանիայի սուպերգավաթ: Երեքը ծնվեցին Գերմանիայի հավաքականի ֆուտբոլիստի ձախ ոտքով կատարած կտրող փոխանցումներից, իսկ մեկը՝ անկյունայինից: Ուշագրավ է, որ Կրիշտիանու Ռոնալուին կատարած բոլոր չորս փոխանցումներն էլ երկրորդ կեսում էին:
Նախորդ չորս արտագնա խաղերի ժամանակ Մադրիդի «Ռեալը» յուրաքանչյուր խաղում երկու գոլ է խփել, մեկ հաղթանակ է տարել, երկու ոչ-ոքի է արել և մեկ պարտություն է կրել: Բացի «Կամպ Նոուում» կատարած արդյունավետ փոխանցումներից, Օզիլի լայնակի փոխանցման արդյունքում է ծնվել գավաթային այս դիմակայության առաջին խաղում Ռաֆայել Վարանի խփած գոլը, որով հավասարվեց հաշիվը:
ՕԶԻԼԻ ԳՈԼԱՅԻՆ ՓՈԽԱՆՑՈՒՄՆԵՐԸ ՆՈՈՒ ԿԱՄՊՈՒՄ
| | ՕՐ | ԽԱՂ | ԳՈԼԻ ՀԵՂԻՆԱԿ
| | 07-10-2012 | Բարսելոնա 2-2 Ռեալ Մադրիդ
(Liga) | Կրիշտիանու Ռոնալդու (2-2) | | 23-08-2012 | Բարսելոնա 3-2 Ռեալ Մադրիդ
(Supercopa) | Կրիշտիանու Ռոնալդու (0-1) | | 21-04-2012 | Բարսելոնա 1-2 Ռեալ Մադրիդ
(Liga) | Կրիշտիանու Ռոնալդու (1-2) | | 25-01-2012 | Բարսելոնա 2-2 Ռեալ Մադրիդ
(Copa del Rey) | Կրիշտիանու Ռոնալդու (2-1)
|
| 
